.פֿאַרבײַ מײַנע טירן שלאָגן זיך דורך שטראַלן
זײ שטײען, די טירן, צעעפֿנט און ברײט
אױפֿצונעמען אין מײַנע װײַסע זאַלן
.די אײנזאַמקײַט פֿון גאַסן, װאָס קומט און גײט
מײַנע טירן שטײען אָפֿן און ברײט
.אָפּצוּװאַרטן דאָס צוגעזאָגטע װאָרט
אָט הילכט עס אינעם װידערקול פֿון װײַט
.אױפֿצולעבן אין זכּרון דעם פֿאַרשװוּנדענעם דאָרט
,ליאַרעמען די קולות איבער ברעגן און טײַכן
.און ס'קלינגען די גלאָקן צו תּפֿילהדיקער שעה
...........................................................................
.נאָר קײנער איז נאָך דערװײַל נישטאָ