Anthology of Yiddish Poetry
of Poland between the two
World Wars (1918 - 1939)

אַנטאָלאָגיע פון דער ײִדישער פּאָעזיע
אין פּוילן צווישן ביידע וועלט מלחמות
(1918 - 1939)

 
 
  Home  |  Index of Poets  |  About  |  Translators  |  Acknowledgments  |  Links  |  Contact Us  
 
 
  Home > Index > Aaron Zeitlin > Un ale veynen zey    

       

     
און אַלע וויינען זיי

פֿאַרנאַכטצייַט וויינען גרויע ציגל :
„זע אונדזער קריוודע, אל–נקמות !
פֿאַרמויערט האָבן אונדז אין ווענט
דעם מענטשנס בויענדיקע הענט —
און דאָך זענען אויך מיר, אויך מיר
געווען נשמות“…

און טיף אין מענטשן שלוכצן אויף
פֿאַרנאַכטצייַט זייַנע פֿיל נשמות :
„מיר, פייגל שטומע ! וויי און גוואַלד,
ווער גיט אונדז וואַלד, ווער גיט אונדז וואַלד ?
ביז וואַנען פּייַניקט אונדז דער גוף,
אָ אל–נקמות ?!“

נאָר צווישן וואָלקנס זיצט און וויינט
אויך ער אַליין, דער אל–נקמות :
„גן–עדן ! ביסט נישט מער פֿאַראַן !
ווער גיט מיר אים צוריק, דעם גן ?
מיט אייַער אַלטן האַר וויינט מיר,
איר ש“י עולמות !“
 
 


 
Site Design by Twam
 
YiddishPoetry.org